Nuuts
Ozze nuuje Jeugprinses Inez
Zöstere, 25 januari 2026Proklemasie jeugprinses Inez I
Waat woor ut sjpannend de lètste paar maondje, mèr eindelik is ut den zao wiet en moog ich ut van de daake sjreeuwe!
Hie sjtaon ich den veur uch, jeugprinses Inez de 1e!
Ich zal mich ieëst ‘ns aeve aan uch veursjtelle.
Ich bön Inez Ermans, 12 jaor auwd. Ich woon saame mit miene pap Cyril, mien mam Mireille, mien zus Isabel en ozze hondj Finn op de Sef Pernotlaan. Ich höb auch nog een groate zus Tess en unne groate broor Cas.
Ich woor blie wie ein klein kèndj toen Raoul en Daniëlle mich den eindelijk koome vraoge of ich dit jaor jeugprinses wilde waere. De pap minstens net zo blie, det ut ‘m den eindelik bie zien veerde kindj toch nog gelök is om dem zo gek te kriege.
Mèr ich hauw hie neet gesjtaon zònger Petro. Doe wis ut veurig jaor al det ich dit ech hieël gaer wauw. Dankjewel dèts ze mich neet bös vergaete. Ich haup det ze de kommende waeke sjtiekem euver òzze sjouwers ein bietje mit kiks.
Ut vastelaovesblood zit bie òs ech in de femilie. Miene pap woor in 2010 groate prins van ut Graasboerriek en daomit veur zien laeve bie de Auwt Prinse en is lid van de Raod van Ellef. Mien zus Tess woor in 2023 de prinses van CV Ònger ’t Viaduct in Maasbracht. Veurig jaor bön ich zelluf bie de jeugraod gegaon en wat höbbe weer al unne haup plezeer saame gehad. Aan de kantj van de mam sjtruimt det vastelaovesblood auch. Mien nichske Cedrique woor de jeugprinses van Puth en Roger, ein van de zangers van Rempetemp, is unne naef van de mam!
Door de waek zit ich in de allerleukste groep 8 van de allerleukste basissjoal De Springdonk bie meister Edwin en juf Natascha, alias Nel. Waat höb ich dao de lètste paar waeke vaak op mien tong mòtte biete en eine haup bie-ein mòtte leege. Nel haet mich aaf en toe toch ech ut vuur aan de sjeene gelag.
In miene vrieje tied sjtaon ich gaer oppe bühne. De afgelaupe jaore höb ich ein paar kieër aan de declamatiewedstrijd van ’t Veldeke mitgedaon en sjtòng toen in de provinciale finale. Auch die leefde veur ut veurdraage, ut leefs mit get humor, haet de pap aan mich doorgegaeve.
Es ich neet dichtend op de bühne sjtaon, den is ut zèngend. Elke moandig gaon ich nao zangles en op de trökwaeg riej ich mit de mam nog get extra rundjes door ut dörp mit de muziek knoerhèl aan en allebei hèl mit kwaakend. Dus, dae Mini op maondigaovend rondj kwart euver ach wo eine haup kabaal oetkoom… det woore weer!
In de res van miene vrieje tied gaon ich nao turne en bootcamp en sjpraek ich gaer aaf mit vriendinne. Den vènj ich ut superleuk om creatief bezig te zeen mit vanalles, of dèt noe teikene, knutsele of bakke is. Ich wis den auch drèk naodet ze mich gevraog hauwe al wie mien pèkske d’r-oet moos zeen en höb dao toen ein teikening van gemaak. Astrid oet Eindhoven, dae naam kump uch inmiddels missjiens waal al bekènd veur, haet miene druim waor gemaak. Mien teikening is noe ein ech pèkske gewoore! Auch ut ontwerp van mien medaille en pinkes, höb ich saame mit de mam zelf bedach en ich bön dao supergreuetsj op!
Es ich den ech neet nao sjool hoof en vakantie höb, den lik ich ut leefste aan ut zjwömbad in Spanje! Dao kint geer mich elke vakansie weer vènje en probeer ich nog get baeter Sjpaans te lieëre kalle! Vamos de fiesta!
Wat vonj ich ut de aafgelaupe waeke auch sjpannend om te heure waem de nuuje prins en nuuj graasboerin zoew waere! Op de galazitting woor ich saame mit mien oma Annie thoes op de Pernotlaan en kòs ich toch ech neet gaon sjlaope veurdet de mam mich hauw geapp en ich wis waem de nuuje prins zou zeen. Miene Prins Stijn I sjtraks naeve mich. Waat weurd det sjiek en biezunjer!
Net zo benuujd woor ich hun waek later nao wae ut nuuj ‘maedje’ naeve mich zou zeen. Dao woor den Graasboerin Lia. Waat zeen weer saame un sjiek drietal!
Leef graasboerinnekes en Graasbuurkes, hie laot ich ut veur noe bie.
Saame mit prins Stijn en Graasboerin Lia begint veur mich noe al de Vastelaovend. Ich höb d’r superveul zin in om saame mit uch allemaol eine onvergaetelijke tied d’r van te maake en wil veur noe aafsjloete mit mien sjpreuk:
Maak plezeer, dans, zèng en lach
De ganse vastelaovend door, daag en nach
Den gaef ich uch op un blaedje:
Deze vastelaovend weurt te gek, mit dit ech Zösters maedje!
Ozze nuuje Graasboerin Lia I
Zöstere, 17 januari 2026Leef luuj,
Mit de lótsj in ‘t muulke, biej wieze van sjpraeke
zoot ich es peuterke al vastelaovesleedjes mit te kwaeke.
Wie helder wie lever, veural sjoan verkleid.
Gans ónger d’n indrök van zoa väöl gekkigheid.
Waat woor ‘t ein fiëes mit al die bóntje kleuëre,
Toen al deej ich mien bès óm dao biej te heuëre
Det lögkde gemekkelik want det zoot in mien blood, ennnnn…
Euver miene luier kreeg ich ein pipo-pekske en oppe kop eine gekke hood.
Gein wónjer, want ich bön es dochter van Mariet en Math van de Kaoleboer gebaore
en mien pap en mam höbbe al lang geleje hun hart aan de vastelaovend verlaore
Al eder koom Elles, mien zöster es Graasboerin oet ós nès.
Geer zeet, oppe Hendriklaan doon ze veur de lol richtig hun bès.
Want auch Mike koom later bie daezelfde tak
Dae droog zellefs 3 jaor de scepter aan zien prinsepak
Aan ervaringsdeskundige höb ich dus gein gebrek
en ich ken uch verzekere…. Ze zeen allemaol aeve gek.
Truuk nao mien jeug… nao ‘t bal biej Verjans in miene pyjama.
Waat houwe w’r plezeer, pas es w’r heives mooste woor ‘t ein bietje drama.
Meistal ginge w’r biej Thei oppe zaal nog ein denske make
En nao ein tuut frit, kroope w’r biej ós “kapot wie ene hóndj” ónger ‘t lake.
Es opgesjaote puber kreeg ich de sjmaak pas good te pakke, det hawd geer ja gedach
Óm mit weurt van Spik en Span te sjpraeke; eine richtige kampioen van de nach
En 34 jaor geleje op vastelaoves daensdig, bön ich Peter taege ‘t lief geloupe,
geer raojd ‘t al, dae woor op waeg óm bónne veur ein pilske te koupe
Óm kort te gaon: van ‘t ein koom ‘t anger: En noe zeen w’r al 23 jaor hieël greuëtsj op Mattie ooze prachtige zoon,
dae sjus wie ziene pap ‘t geweldig vungk waat ich zoal doon.
Neet allein mit vastelaovend, mer auch waat zich zoa veurduit, de res van ‘t jaor.
Want geer sjnap: veur mien 2 manne sjtaon ich altied klaor.
Op het tennisveldj kènt geer mich regelmaotig trappere,
En mit bubbelende vriendinne aan de keuketaofel kèn ich mich good amusere
Noe dènk geer misjien det haet veur de vastelaovend al, zien gans kroet versjaote.
Zeet gerös, ich höb genóg reserves veur deze vastelaovend euver gelaote.
Trouwes, mien energie is nog lang neet verbrandj,
want tösjedoor wirk ich mit hart en zeel ouch nog biej Zuyderland.
Wo ouch nogal get tied in geit zitte, zeker in ‘t vastelaovesseizoen
is oos Hermenie Zaateweg; want weer gaeve ‘m ummer flink van katoen.
Es w’r optraeje zeen w’r verkleid in ‘t paars- flèt,
successe behaole w’r veurnamelik den ouch aan ‘t buffèt
’t träöte mót ich dit jaor aan mich veurbiej laote gaon,
mer Zaateweg zal dees daag, al is ‘t wankelend, naeve mich sjtaon.
Al woor ‘t de lètste tied dèk hieël sjpannend en mooste w’r hieël sjtiekem manoevrere
Mattie en Peter kooste zich mit zo’n graasboerin in hoes bès amusere.
Elles, Mike, mien leef bure Audrey en Leon; ze höbbe mich allemaol gehólpe en nemes haet verklap “SORRY MAEDJES VAN DE KNAG” det ich taege Hans en Menno JAO höb gezag.
De opdrach woor: zjwiege es ‘t graaf
en det deeje ze allemaol aeve braaf.
Nog ff kort, veurdet dalik de muziek weer sjtart. D’r mót mich ieërs nog get belangrieks van ‘t hart.
Ofsjoan Peter geine fanatieke vastelaovesvierder mieër is, gunt d’r mich, det 3 daag houwe op die kis.
Dae leuët mich raoze en doon wat ich wil.
Hae zal biej zien eige dènke, det kump waal èns sjtil.
Ich vènj ‘t sjiek det ich noe eindelik es ech-Zösters maedje op dees buhn kóm te sjtaon. En ich raoj uch allemaol aan, laot gaon, laot gaon!!
Want deze vastelaovend in ‘t sjmaalste sjtökske,
sjräöme w’r same in oos sjoanste pekske en rökske
En noe het allerlètste wat ich uch höb te brènge,
“desse neet kèns zènge beteikent neet des se neet zols zènge”
Zöstere Alaaf
Graasboere en graasboerinne Alaaf
Zaateweg Alaaf
Kènjerzitting 2026
Beste jongens en meisjes, Graasbuurkes en Graasboerinnekes,
Het is weer bijna zover: VASTELAOVEND! En dus ook weer de jaarlijkse Kènjerzitting van KV “de Graasbörgers “, op zondagmiddag 25 januari in zaal Mirage vanaf 14:11 uur met een optreden van Dex bekend van het TVK en Springlaevend, bekend van het LVK en CMC Alaif.
Jeugdprinses Lina 1e en de Jeugdraad presenteren tevens de “Zöstere haet Talent-show”.
Het leuke hierbij is, dat jij zelf ook mee kunt doen. Je mag dan niet ouder zijn dan 14 jaar. De mogelijkheid bestaat om helemaal alleen deel nemen, wat natuurlijk erg moedig is. Samen met vriendjes, vriendinnetjes, broers en/of zusjes kun je uiteraard ook een leuke groep vormen. Het totale optreden, inclusief opkomst, mag echter niet meer dan 10 minuten bedragen.
Opgave voor deelname is mogelijk door het onderstaande inschrijfstrookje in te leveren voor uiterlijk 17 januari 2026 a.s., bij Léon Weinheimer, Waterbend 7 in Susteren. Ook mag je een email sturen met jouw gegevens zoals gevraagd in onderstaand inschrijfstrookje. Stuur je email naar leon@reijnenmonumenten.nl. (Muziek, aanleveren op een usb stick bij Léon Weinheimer of bij Stan Peters van het geluid).
Let op tijdens deze middag zullen foto’s gemaakt worden en deze zullen mogelijk ook gebruikt worden in de media / daarnaast bestaat de kans, dat derden foto’s en films maken die in de media gebruikt worden !
Ozze nuuje Prins Stijn I
Zöstere, 10 januari 2026De proklamasie van Prins Stijn I:
Leef Graasboere en Graasboerinne,
Wat ein ongeluifelijk geveul det ich noe veur uch moog sjtaon es 75ste Prins van ‘t Graasboerriek! Wie Frank en Menno mich in juni vurig jaor belde, veulde ich mich metein de keuning te riek! Eine druim van mich is noe oetgekomme, mit sjpanning wach ich aaf wat ich nog allemaol gaon taegekomme.
Veur de luuj die mich neet kènne, miene naam is Stijn Leurs, 28 jaor auwt en op Prinsjesdaag bön ich gebaore! Det ich oait zou gaon regere, sjtong missjien sjtiekem waal al vas, al die jaore.
Es zoon van Frits en Miny Leurs (-Hees), en auch kleinzoon van Sef Leurs, is mich de meziek mit de paplaepel ingegaeve, want bie de hermenie bön ich bekans al mien ganse laeve.
Lang geleeje bön ich begoos op klarinet, mer sjtiekem loog mien hart toch ech bie de drumband. Mit sjtekke in de henj höbbe weer es groep al beheuërlijk get sjieke dénger bereik. Auch höbbe ze al hieël get prieze aan os oetgereik.
Laterhaer höb ich michzelf toch nog de saxofoon aangelieërd. Sjus wie miene opa det deeg, gaon ich dao noe auch al get jaore op tekieër.
De vastelaovend is mich neet vraemd. Mit ein träöt of mit ein trom, d’n optoch trék ich al jaore gans mit om. Ieërs ummer mit de hermenie, mer laterhaer kwoom auch de jeugraod daobie. Al ein aantal jaor loup ich in ein oranje kleuër, want Zònger Vrugvleisj, is de zaate hermenie woor ich bie heuër. Waat sjiek det weer nog ein waek ein gans oranje dreigestirn höbbe! Ich bön greuëtsj op ozze sjieke club, geer mot weite det ich uch ech in mien hart höb.
Auch bön ich bie Nuchter Vertroch oet Beeg, nog ein zaate hermenie! Hie bön ich al vanaaf ‘t prille begin, es lid van t ieëste oer bie. Mit dees jónges en maedjes trékke weer déks in ‘t bénne- en boetelandj vol zale, mer veur mich es hoagtepunt, det woor toch ech de LVK finale! Nog ummer waere weer door de ganse provincie väöl gevraog en toevallig besjtuit dees club noe auch nog 1 kieër 11 jaor! Mit Rek ‘t Neet doon ich ummer aan ‘t LKZH mit, geer zult waal dènke, wie blif dae jong noe fit?
Fit waer ich bie Sjportclub Zöstere, woor ich toch mot zégke det miene veurgenger Raoul, dao get mieë presteerde. Zelf sjpeel ich in ‘t 5de elftal, woor ich ech sjpas belaef in de derde hélf mit ein versjnapering en get sjtomme kal.
In de weekende bön ich déks op fieëste te vénje, of bön ich geweuën in de keffee belandj. Meistal zeen mien vrunj van de Verkes hie bie, want auch mit hun höb ich eine hieële gooie bandj.
Woonachtig bön ich aan de “gooie” of angere kantj van ‘t Ziepke, same mit mien maedje Anouk op de Deeterderwaeg. Mit z’n 2e zeen weer al bekans 3 jaor ongerwaeg. Sjus wie Graasboerin Debby, is Anouk auch ein maedje oet ‘t Zawpenseriek. Auch tössje Maas en Kanaal vénje ze de vastelaovend erg sjiek.
Wirkzaam bön ich bie de gemeinte Zitterd-Gelaen es Wmo-consulent. Hie kom ich dagelijks bie luuj thoes om hun zörge en hulpvraoge in kaart te brènge. En auch mien wirk, doon ich erg sjoan vènje.
Mer auch ‘t reizen bevult mich verregkdes good, same mit Anouk, mien vrunj en mien familie, höb ich al beheuërlijk get “airmiles” in ‘t blood. Menig waerelddeil höb ich al gehad, mer thoeskómme in Zöstere, det veult ummer wie ein werm bad.
Langzaam aan gaon ich noe aafsjloete en gaon weer fieëste. De kommende waeke gaon weer tekieër wie de bieëste.
Sjnap uch vas, jongk en auwt, eederein heuërt erbie. Laef wie de wéndj dien jeske weijt, lach, höb leef en bön vrie. Maak plezeer en de groatste lol, de Zösterse vastelaovend is van os allemaol!
Zöstere alaaf!
Gegaeve 10 jannewari 2026
Kerdju, 't daak d'r aaf bie Sjlagerverkezing 2026
Zöstere, 22 november 2025SUSTEREN – Het was afgelopen zaterdag 22 november een dampende en bruisende avond in café Bie Alois, waar de jaarlijkse Sjlagerverkezing 2026 plaatsvond in het hart van ’t Graasboerriek. Het evenement, dat bekendstaat als dé opmaat naar de Vastelaovend, trok een volle zaal met enthousiaste carnavalsvierders.
De spanning was om te snijden, maar de jury liet er geen twijfel over bestaan: Kerdju ging er met de hoofdprijs vandoor. Hun sjlager “Weer zeen Vastelaovend” kreeg van alle juryleden de maximale score. Daarmee kroonde Kerdju zich tot dé winnaar van de avond.
Opvallend detail: alle leden van Kerdju zijn óók actief bij Zaate Hermenie Zaateweg, die met hun nummer “Die Zaate Hermenie” unaniem de tweede plaats binnensleepte. De derde plek ging naar Auwt Graasboerinne met het lied “Mit Vastelaovend blief ich hiej”.
De publieksprijs ging naar: Mit Bezei met "Shotjes nach"!
De winnaars zullen de komende maanden veelvuldig te zien zijn op diverse carnavalsactiviteiten binnen én buiten de gemeentegrenzen. Het belooft een kleurrijke Vastelaovend te worden met deze toppers op het podium.
Naast de drie prijswinnaars deden ook de volgende groepen mee: Auwt Prinse Zöstere, Nog neet oet de running, Vastelaovesdeere, Ohne Bezei en De Zösterse Boys. Samen zorgden zij voor een avond vol muziek, plezier en onvervalste Vastelaoves-sfeer.
In memoriam - Pedro
Zöstere, 28 mieërt 2025
Ozze nuuje jeugprinses Lina I
Zöstere, 26 januari 2025Veur de luuj die mich nog neet kènne: ich bön Lina Ben Fredj, 11 jaor auwd, dochter van Nizar en Janice en ut zusje van Dani. Boete mien kleuërrieke prinse-pak bön ich zellef auch ein kleuërrieke prinses. Wis geer det ich veur de helf Tunesisj bön, veur ein-achste deil Indisj en den veur de res Zösters blauw blood.
En baove-al kom ich oet ein richtige vastelaoves-femilie. Miene opa Ger woor in 1984 groate prins van ut Graasboerriek en is vanaaf dae tied bie Auwt Prinse van Zöstere en lid van de Raod van ellef. Mien oma Netty lup al jaore mit in de optoch en is auch mit van alles bezig in ut Graasboerriek. Miene oom Gaston ging mich in 1998 veur es Jeug-prins de 1e. Auch mien leeve euver-groat-oma Juul zal trots op mich zeen en flink mit-viere vanoet de hemel. Wis geer det zie oaijts de ieëste bejaarden-prinses van Baek woor en dit zie zellefs mit heur prinsesse-kreuën-ke begrave wol waere? En den mien peettante Daan, ein van de groatste vastelaoves-vierders van ut dörp. Vastelaovend zit richtig in mien blood!
Veur mien femilie van pap ziene kantj is dit waal aeve wènne, mèr ich weit zeker det zie ut geweldig vènje om vastelaovend te viere in òs sjoan Zöstere. En mien femilie in Tunesië? Die gaon ich via Facetime en filmpkes alles oetlègke euver wie weer vastelaovend viere. Ich weit zeker det zie trots zeen en det de foto van òs drie Hoaghede zellefs in Tunesië in de hoeskamers komme te hange. Zao make weer ut Graasboerriek euver de ganse waereld bekend!
Naeve mien rol in de jeug-road bön ich al jaore lid van de bèste Zaate Hermenie van ut landj: Zònger Vrugvleisj. Mit de jeug-leeje höb ich al mooge preuve wie ut veult om op vastelaoves-dènsdig bie ut kenon te sjtaon. Twieë jaor geleeje gove weer dao same ein sjoan concert. Waat woor dit ein gave ervaring, jonges! Ich verheug mich om dit jubileum-jaor same uch de vastelaovend te moge viere! Boete de vastelaovend, höb ich auch nog anger groate hobbie: handjballe. Ich sjpeel bie de bèste club van ut landj: NOAV, in de D1. Same mit mien vriendinne, en onder de leiding van mien trainsters Fanny en mien mam, höbbe weer ech-waal ut allerleukste team. In de vekanties gaon ich gaere nao Sjpanje of nao mien femilie in Tunesië, mit de kerst sjtaon ich op de ski’s in Ellmau, same mit nog 100 anger luuj oet Zöstere. Verder zit ich op de allerleukste basissjoal die d’r is: SBO de Horst in Ech. Ich zit dao in ut létste jaor bie meister Sven en juf Marian.
Ich höb ein super leuke vrunje-groep en bön benuujt wie die mörge reagere es zie heuëre det ich jeug-prinses bön gewoore. Ich bön auch blie det ich dit jaor de sjoale-optoch weer in Zöstere moog mitloupe in plaats van Ech, wo ich altied ‘Sjrekke-dek’ mos roope. Ich woon in Auwt Zöstere, op ut bekènde Salvator-sjträötje, wo al hieël get Hoaghede mich zeen veurgegaon. Auch mien veurbeeld, Auwt Jeug-prinses Hannah de 1e woont hie. Ich woor za oblie det ich heur in oktoaber al mog vertèlle det ich Jeug-prinses zoe gaon waere. Zie haet mich mit väöl dènger gehòlpe, en vandaag mich auch prachtig haet opgemaak.
Sorry, Sophie, det ich dit geheim zao-lang veur mich höb motte hauwte, mèr weer gaon same eine geweldige vastelaovend viere dit jaor. En sorry, ome Stephan, dich kèns dit jaor ech neet op vekansie. Mèr ich weit zeker dètste nao deze vastelaovend auch lid weurs van òs Zaate Hermenie Zònger Vrugvleisj, want eine leukere groep besjtuit d’r neet!
Prins Raoul waat waas ut ein verrassing toen Hannah mich 2 waeke geleeje ut ’s nachts belde om te vertèlle dètste prins woors gewoore. Det hauw ich gaar neet verwach. Veur mich kos de vastelaovend toen al neet mieë kepot. En toen de waek dao-nao. Ich hauw al hieël get name geheuërd, mèr Debby, dich als Graasboerin, hauw ich ech neet verwach. Toen mama mich de veurige wakker koom make om te vertèlle dètste Graasboerin woors gewoore, woor ich ut leefs mit gegaon nao de zaal om uch te vertèlle det ich uch nuuj Jeug-prinses zoe waere. Helaas mos ich van mama in bed blieve en nog ein waek miene mondj hauwte. Waat super gaaf om same mit uch dit jubileum 7x11 jaor te moge viere. Ich haop det geer mich mit num onger uch vleugels!
Same mit jederein, jòngk en auwd, de Hoaghede en mien Zaate Hermenie Zònger Vrugvleisj, gaon weer ein geweldig jubileum-jaor viere.
Mien motto: “Mit dees fel kleuëre, gaon weer ut jubileumjaor mit z’n alle opfleuëre!”
Graasbuurkes en Graasboerinnekes, Alaaf!
Salvatersjtraot, Alaaf!
NOAV, Alaaf!
Zaate Hermenie Zònger Vrugvleisj, Alaaf!
Ozze nuuj Graasboerin Debby I
Zöstere, 18 januari 2025Leef Graasboere en Graasboerinne,
Wie greuëtsj bèn ich, om hie in ’t jubileumjaor 7x11 van de Graasbörgers, veur uch te stjoan ès Graasboerin Debby I.
De 20e Graasboerin van Zöstere en de 2e van Zònger Vrugvleisj!
Wie ich in mei ’t berichske van Hans op miene telefoon zoog bènnekomme, of hea mich bènnekort ens koos belle, sjloog mich ‘t hart waal efkes in de kael. Stiekum dach ich drèk ‘Baoh, dat liek mich sjiek’. Ich veulde mich ontzettend verieërd dat Hans en Menno mich in gedachte hoawe es nuuj Graasboerin van Zöstere. De luuj die mich gèt beater kenne, zulle zich auch kènne veurstjelle dat mich metein ein geveul van onzekerheid bekroop. Kèn ich dat waal, durf ich dat waal, zitte de Graasboere en Graasboerinne waal te wachte op ein maedje oet ’t Zawpense riek? En krieg ich dat gecombineerd mit alle taken veur mien gezin, dat veur mich altied op de ieërste plaats sjteit.
In de paar daag die volgde, begoos mien hertje sjteeds sjneller te kloppe en dach ich: ‘Jao ich goan dit doon!’ Toen Hans ein paar daag later belde en mich officieel vroog of ich Graasboerin wol waere, höb ich dan auch volmondig ‘Jao’ gezag!
’t Vasteloavend viere höb ich in Beeg gelieërd. Dat sjoane dörpke aan de Maas wo ich in 1978 geboare bèn. Es 4-joarig maedje sjtong ich al op de groate prinse wage. Same mit mien vriendje mochte veer ès kleuter-prinsepaar mit zien ouwers mit, die toen ’t groate Prinsepaar van Beeg woare.
De inmiddels verbaoje vasteloavend-traditie van ’t gawstrèkke in Beeg höb ich van kendjs af aan mit gekrege. Miene opa zörgde namelijk altied dat op vasteloavend-dènsdig de gaws in de loch hong op de Boulevard, om vervolgens de nak aafgetrokke te kriege door de nuuje gawze-keuning.
In de lètste klas van de laegere sjoal zoat ich in de jeugd road van 11. Tot mien groate verdreet woor ich gein jeugdprinses en höb ich hieël get treunkes gelaote. Mèr noe krieg ich de kans, mit dank aan Hans en Menno, om dat leid van toen gans in te gaon haole!
In 1996 lieërde ich Maurice kènne op ’t Patsjebal in Bor. De Beegse vastelaovend woor toen langzaam ingeruuld veur de vastelaovend in Zöstere. Vanaaf 2001, toen veer os zaate hermenieke Zònger Vrugvleisj höbbe opgerich, vier ich de vastelaovend in Zöstere. Stiekum bèn ich bès trots dat ich van de vrouwluuj oet os zaate hermenie, de enige bèn dae d’r al vanaaf ’t ieërste begin bie is.
Mit dit clubke höbbe veer al hieël get sjoan momente belaef. Zeker mit ut graasboerebal wiste veer d’r vaak ein sjiek fieëske van te make! Ich maak mich al ein bietje ongerus, wat geer mich dit jaor aan zult gaon doon…..
Os 4 kènjer, Floor, Max, Freek en Bram, höbbe vanaaf hun gebaorte de vastelaovend mit os mit gevierd. Wat ein gelök dat zie net zo gaer vastelaovend vieren es os. Afgelaupe jaore höbbe ze dan auch vaak gezag: Mam es se dich oajt vraoge om Graasboerin te weare, zèk dan estebleef jao! En dat moment is noe gekomme en sjtaon ich hie veur uch in mien Graasboerinne-kleid!
Euver mien kleid gesjpraoke….. Loes en Mandy, geer zult waal gèt dingskes herkènne.
Nelly haet mich hieël good geadviseerd en geprobeerd om d’r veur mich weer get eiges van te make. Ich ben super blie mit ’t resultaat!
Neave mien taak es mam van mien 4 sjatjes, wirk ich nog 3,5 daag in Zitterd bie de Fontys Hogeschool. Op ’t bedrijfsbureau van de Lerarenopleiding zörg ich dat alle ongersjteunende werkzaamheden waere oetgeveurd. In ’t bietje vrieje tied dat euverblif bön ich vaak op internet aan het rondjkieke, op zeuk noa leuke kleijer. Want kleijer kaupe (volges Maurice hiëel väöl kleijer) is mien groate hobby. Naeve dees hobby venj ich ’t leuk om sjoan plaetskes oet te zeuke om op vakantie te goan mit os gezin. Veer hauwte van kampere, mèr sjtedentripjes zeen de lètste joare auch erg in trèk.
En es veer op vakantie zeen, dan maak ik gaer foto’s van al die sjoan plaetskes die veer bezeuke. De luuj die mich op Facebook of Insta volgen höbbe die vas en zeker al dèks zeen langskomme.
Leef luuj, nao maonje van zwiege en vanalles regele is ’t vanaovend dan eindelik zoa wiet! Same mit miene prins Raoul I, motte veer nog ein waekske in sjpanning aafwachte wae os nuuj jeugdprinske of prinsesje geit waere. Ich verheug mich noe al, op alles wat nog komme geit!
Rès mich nog om aaf te sjloete mit mien motto:
AUWT OF JONGK, KRANK OF GEZONDJ, ALLES DEIT MIT.
KOM VIER DE ZÖSTERSE VASTELAOVEND RICHTIG MIT MICH MIT!
Zöstere, Alaaf! - Graasboere, Alaaf! - Zónger Vrugvleisj Alaaf!
Ozze nuuje Prins Raoul I
Zöstere, 11 januari 2025Wat ein jaor. Wat eine achbaan.
Óngeluifelijk det ich hie moog sjtaon es jubileumprins Raoul de 1e.
Dankbaar det ‘t mich gegund is om prins van ‘t sjoane Zöstere te moge waere.
Mer nog mieë dankbaar det ich hie kèn sjtaon mèt alle luuj die mich leef zeen om mich haer.
Maondigaovend, 15 april, eine aovend om noait te vergaete.
‘t Woor de aovend nao de Marathon van Rotterdam en ich haw ein telefoontje gemis van Menno. Ich dach metein: “Zoew hae ouch eine marathon wille renne en mich get vraoge wille sjtèlle?” Wie hae toen nóg èns belde, begós ich toch sjtiekem aan get anges te dènke. Sjnel opgepak en toen woort ‘t al gauw dudelijk woveur hae belde. Menno en Frank zaote same in Utrecht en vroge mich om jubileumprins van Zöstere te waere. Dao hoofde ich gaar neet euver nao te dènke, ich kós ze metein vertèlle det mien antjwoord “jao” woor en ‘t thoesfront ‘t dao zeker waal mèt èns zoew zeen.
Wat woor ‘t eine sjoane tied: medailles ontwerpe, pak oetzeuke en lekker druime euver wie w’r same de vastelaovend 2025 zoewe viere.
Mer toen in augustus, sjtóng de tied efkes sjtil bie os… weer kome terech in ein achbaan van ein aantal zeer moeilijke maonje. Houpelijk is de zjwaorste tied noe achter de rögk en kènne w’r same genete van dat wo w’r de ieërste periode van gedruimd höbbe. Sjus wie de Auwt Graasboerinne zènge: “Plök den daag!”
Es auwdste zoon van Petro en Danielle, ouch gekènd es die van riesjoal Jeurissen, is ‘t vastelaovend viere mich neet vraemd. Zoawie zie dèt van hun auwers höbbe gelieërd, höbbe zie dit ouch aan mich en mien breurke Youri euvergebrach.
Es kleine sjnaak trok ich de vastelaovesdaag mèt pap en mam mèt bie Hel Genòg. Wie ich ‘n jaor of 9 woor, koom ich bie de jeugraod. En in 2010 höb ich es jeugdprins al èns moge preuve wie de vastelaovend in Zöstere gevierd wurd. Dit same mit prins Cyril en graasboerin Karien.
Ich höb mien ganse laeve aan de gooie kantj van ‘t ziepke gewoond op de Ambtmanlaan, mer sinds ein paar daag bön ich verhoes nao de verkieërde, sorry, de angere kantj van ‘t ziepke. Dao woon ich noe same mit mien maedje Anke op de Vincentiuslaan.
Mien sjoanfemilie is ouch neet vies van de vastelaovend. Zie trèkke allemaol van jónks aaf aan mèt bie Braaf Lèstig. Super dèt ich in zo’n werm nes terech bön gekómme.
Ein aantal jaor geleeje höbbe w’r mit eine geweldige groep vrunj in Zöstere CV Ummer Teväöl opgerich. Wat begoosj es ein gruupke mit 15 man, is oetgegreujd tot eine groep van mieë dan 50 man. Jónges en maedjes van Ummer Teväöl, wat vènj ich ‘t sjiek dat ich euge ieërste prins moog zeen. Weer gaon d’r veur zörge det w’r hie same eine onvergaetelijke vastelaovend van make.
Miene grootste hobby is sjporte. Al van jóngs of aan bön ich lid van sjportclub Zöstere. ‘t Voetballe haef de lètste maonje, door de verboewing van ós hoes, op ein lager pitje gesjtaon, mer bènnekort bön ich weer aanwezig, ich kèn neet wachte.
Daonaeve doon ich gaer marathon loupe. Dit virus höb ich opgeloupe bie mien sjoanfemilie. Barcelona, Rotterdam en Eindhoven höb ich al kènne aafvinke. Mer d’r zulle nog väöl mieë volge.
Neet allein in Zöstere, mer ouch in Eindhoven ligk mien hart. Hie bön ich same mit Pap en Youri bienao eder weekend in ‘t Philips Stadion te vènje. Net zoa es miene veurganger Cliff höb ich dan ouch mien pak in Eindhoven laote make.
Genóg euver mien hobbies, ouch al veult mien werk ouch ech es eine hobby. Bie Stelvio kèn ich jedere daag opnuuj genete van ‘t sjporte mit de cliënte. Ouch vènj ich ‘t hartsjtikke leuk óm waekelijks te sjporte mèt de luuj die ein paar leaftiedsgroepe auwer zeen den mich. De gezellige borrels hueëre dao ouch bie.
Genete doon ich ouch volop in de wage bie ‘t bedrief van pap en mam. Trots bön ich det mien breurke en ich deil oet make van dit sjoane femieliebedrief. Sjiek det ich vanaaf hie al ein aantal bekènde köp zeen die bie mich in de wage hubbe gezaete.
Verder wil ich nog ein aantal luuj bedanke:
Menno en Frank, bedank det ich hie moog sjtaon es jubileumprins.
Pap en mam, die mich in dit sjoane pak höbbe gesjtaoke.
Anke, mien leefste steun- en toeverlaot.
Paul en José, die hel gewirk höbbe om ós nuuj fieëslokatie op tied aaf te kriege.
Mien nicht Monique, die mien super sjoane medaille haef geteikend en óntworpe.
En al mien familie en vrunj, die zónger det ze ‘t wiste, mètgewirk höbbe om ós hoes op tied aaf te kriege veur dees daag.
Mèt mich es prins veurop,
zètte w’r de vastelaovend van Zöstere oppe kop.
Plök den daag en geneet keer op keer,
dan make w’r same in ós sjoan dörp ‘t groatste plezeer!
Zöstere, Alaaf!
Ozze nuuje jeugprins Sten I
Zöstere, 21 januari 2024Leef Graasboerinnekes en Graasbuurkes,
Eindelik is ’t zoa wied. Lang höb ich mótte zjwiege, det koos ich trouwes baeter es pap en mam, mer noe ken ich uch vertelle:
Hie sjtuit veur uch Jeugprins Sten de ieëste!
Veur die mich neet kènne, ich bön Sten Fiddelers, 11 jaor, zoon van Kira en Luuk. Ich bön harsjtikke blie det die mich jeugprins höbbe laote waere, al höb ich mam waal ekstra leef mótte aankieke. Mer waem kent deze lach get weigere. Dank je wel mam en pap.
Ich zit in groep 8 van de basissjoal In ’t Park bie juffrouw Sabrina. Dao maak ich mit miene vrunjegroep väöl plezeer. Dit jaor zal ich mit de sjoaleoptoch veur de ieëste kieër neet mit hun kènne mitloupe. Mer det hauwe ze waal kènne dènke want mit de sjoaleoptoch verkleide ich mich al es prins. Det dee ich al van kleins af aan, verkleije es prins. Van opa kreeg ich ’n mötsj, ‘ne mantjel en medalies. Dae hauw ters hieël väöl.
Ze zègke deste óm prins te zeen ein gooi kóndisie mós höbbe en fit mós zeen, mer dao maak ich mich neet drök euver. Ich bön namelik bie de voetbalclub SC Zöstere en sjpeel in de JO12 (dus ich kèn Prins Cliff nog väoöl lieëre). In desember zeen weer kampioen gewore, dus weer weite waal wie ein fieëske gevierd mót waere.
Miene sèpter is nog ‘ne echte, dao bön ich erg blie mit en greuëtsj op. Dae is veur de ieëste kieër gebroek in de jaore 70. Dae höb ich dit jaor gekrege van ozze gooje vrundj Hupie Peters dae ouch jeugprins is gewaes in 1985. Dankjewel Hupie!
Aan mien prinsemötsj höb ich ein bedeltje hange, ’n orchideke. Det is veur oma Nieke die dit joamer genog neet meej mit haet moge make. Ze beteikent nog hieël väöl veur mich, dus ich höb häör op dees meneer toch bie mich.
Den sjtoan ich hie noe in mien sjiek pekske en drie kieër raoje, ich bön sjus wie groate Prins Cliff ouch in Eindhoven bie Astrid gewaes. Die haet niks gezag, dus det woor ein groate verrasjing toen ich zoog en heuërde det Cliff ouch dao woor gewaes. En Astrid haet fantasties werk geleverd zoa wie geer kènt zeen. Kènne ze toch get in Eindhove. Prins Cliff en ich höbbe bliekbaar al dezelfde sjmaak, dus det geit hieëlemaol good kómme.
En den Graasboerin Sylvia. Wie dèks zoewe weer op sjoal al langs ein door zeen geloupe, in gedachte bie dees momente, zónger det weer ’t vanein wiste. Vanaaf noe kènne weer eindelik alles mit ederein deile. Noe weit ich trouwes ouch veur welk fieëske ich de sjtaontaofels op sjoal oet de kelder mós haole. Waat sjiek det weer dit same moge gaon belaeve. De sjoal kènt zich vas hauwte de kómmende waeke.
Es lètste nog ‘ne hartelikke dank aan Daniëlle en Petro die mich gevroag höbbe óm jeugprins te waere.
Bèste Graasboerinnekes en Graasbuurkes noe is ’t zoa wied. Same mit Prins Cliff en Graasboerin Sylvia make weer d’r ein fantasties fieës van. Ich gaon veur uch allemaol en mit miene vrunjegroep 3 daag vastelaovend viere en ich kèn uch noe al zègke: Deze vastelaovend is veur ederein: Klein of groat, rech of krómp, van bènne of boete Zöstere, ’t maak niks oet, mit prins Cliff en Graasboerin Sylvia brènge weer laeve in de boet.
Zöstere Alaaf
Graasboerin Sylvia III
Zöstere, 13 januari 2024Leef Graasboere en Graasboerinne,
Nao lang wachte en sjmachte is ut noe eindelik zao wiet, hiej sjtuit uch nuuj Graasbroerin, Sylvia III. De ieëste Graasboerin van Menno en Basisjoal In ’t Park. De 19e Graasboerin van Zöstere.
Wie sjpannend woort ut wie ich door Hans woort benaderd of hae mich in mei ‘ns kòs belle. Tot det moment höb ich dit veur michzelf gehauwte, mèr wie hae aangoof mich te gaon belle woore vastelaovendvlinders neet mieë te hauwte. Ut gierde door mien lief. Toen toch auch mèr manleef verteld det Hans mich zoew gaon belle mit die eine vraog! Höb David mèr metein auch mit gegaeve det ich ‘jao’ zoe gaon zègke.
En toen det tillefoontje! Höb allein mèr lache en oeteindelik allein mèr ‘jao’ gezag! David, dae naeve mich zoot, zoog ich allein mèr denke: O jee, noe mot ich mien belofte woor gaon make: Es ich Graasboerin zoe waere, zoe hae mit loupe in de optoch! Sjat, waat bof ich mit zao-eine leeve wie dich, dètse miene druim leets oetkomme, ondanks dètse ut zellef hieël sjpannend vunjs en niks mit de vastelaovend höbs. Ich weit zeker, òs gezelligheidsvrunj gaon dich òngersjteune.
Ich bön ein richtig Zösters maedje! Gebaore in ut ziekehoes van Zittard, mèr daonao höbbe mien pap en mam mich mitgenomme nao mien weegske det klaor sjtong oppe Landsheerlaan. Hie bön ich graot gewoore same mit mien zöster Marjan. Pap en mam zeen gebaore in Braobantj, mèr woone al mieë es 41 jaor in Zöstere. Zie höbbe mich de Zösterse Vastelaovend mit de paplaepel mitgegaeve. Vreug heives gaon kòste die twieë neet. Auch det höbbe ze mich mitgegaeve: vreug heives gaon kump in mien woordebook neet veur. In mien jong jaore deeg ich mit de vastelaovend gaere mit aan de miniplaybackshow, dae ich same mit auwd Graasboerin Mandy I in 1997 höb mooge winne.
Wie ich 20 jaor woor vonj ich ut tiejd om mien auwerlijk hoes te verlaote. David en ich höbbe Zöstere toen ingeruuld voor Pey. Hie höbbe weer in de laop van de jaore drie sjoan maedjes mooge kriege. Wie òs jongste maedje gebaore woort kreeg ich heimwee nao mien dörp Zostere. Weer höbbe òs hoes te kaup gezat en sjnel ingetrókke in òs palieske in Zöstere. Zellef bön ich wirkzaam bie de Sjatzoekers bie BS In ’t Park. Sorry collega’s, de kommende tied bön ich minder besjikbaar, mèr gaon weer same eine sjoane vastelaovend belaeve.
In mien vrieje tiejd gaon ich regelmaotig mit vrunj nao ein theater, concert, hèpke aete of ein drènkske doon in de kroeg of biej vrunj thoes. Meziek dao geit mien hartje sjneller van kloppe, mien bein beginne den te wiebele, sjtilstaon lök den neet meer. Mien zangtalent is good veur onger de doesj, mèr mit de vastelaovend zing ich alles hieël hèl mit. Auwt Graasboerinne, lègk uch de oardöpkes mèr klaor. Bie mien clubje Hell genòg, träöt ich der heel get op los, dit is neet altiejd zuuver, mèr ach daorom is ut ein Zaate Hermenie.
Den mien kleid. Ich bön d’r ontzettend greuëtsj op det mien kleid is ontworpen door òs auwdste dochter Milou. Danke Milou dètse dit veur mich höbs wille doon en dètse dit al dae tied geheim höbs gehauwte. Rachel en Nele 11 maol dank det geer mich ongersjteund höb biej alle veurbereidingen. Ich woor vaak onzeker, mèr mit uch opbeurende weurdjes is auch det allemaol good gekomme. Mit ‘t ontwerp en de sjtoffen bön ich nao Thea Bakkes gegaon: Danke Thea veur dien gedöldj en veur ut op het lètste moment mien kleid nog get kleiner te maken.
Wie sjpannend woor ut op de Galazitting, waem weurd de nuuje prins? Miene nuuje prins. En dao sjtóng d’r, Cliff de ieëst, eine van De Verkes. Toen wis ich ut zeker, dit geit ein geweldig vastelaovendseizoen waere. Nog ein waekse geneete mit jeugdprinses Feel I en vanaaf volgende waek is ’t Dreigistern kompleet.
Maedjes van Zöstere waat bön ich blie det ich noe neet mië hoof te leege taege uch, stiekem hauwt geer ut missjien waal al verwach. Ich kiek d’r nao oet om same mit uch, mien gezelligeheidsvrunjgroep en mien Zaate Hermenie Hell Genòg de vastelaovend te gaon viere.
En den es lètste, in 't Vastelaovendleech, wil ich mit uch danse, zènge,
Òs sjoane Zöstere, same de heuëgte in brènge,
Auwd en jónk, verbonje door plezeer, vastelaovend viere, kieër op kieër!
Ich bön aan de Vastelaovend verkoch,
Vastelaovend viere weer same Hell Genòg.
Basisjoal In ’t Park, Alaaf!
Hell Genòg, Alaaf!
Maedjes van Zöstere, Alaaf!
Gezelligheidsvrunj, Alaaf!
Graarsboerriek, Alaaf!
Zöstere haet Talent
Beste jongens en meisjes, Graasbuurkes en Graasboerinnekes,
Het is weer bijna zover: VASTELAOVEND!
En dus ook weer de jaarlijkse Kènjerzitting van KV “de Graasbörgers “, op zondagmiddag 21 januari in zaal Mirage vanaf 14:11 uur .
Jeugdprinses Feel I en de jeugdraad presenteren dan de “Zöstere haet Talent-show”.
Het leuke hierbij is, dat jij zelf ook mee kunt doen. Je mag dan niet ouder zijn dan 14 jaar. De mogelijkheid bestaat om helemaal alleen deel nemen, wat natuurlijk erg moedig is. Samen met vriendjes, vriendinnetjes, broers en/of zusjes kun je uiteraard ook een leuke groep vormen. Het totale optreden, inclusief opkomst, mag echter niet meer dan 10 minuten bedragen. En bij deelname heb je zelfs gratis toegang tot de zitting!
Opgave voor deelname is mogelijk door het inschrijfformulier te downloaden en in te leveren voor uiterlijk 13 januari 2024 a.s. bij Léon Weinheimer, Waterbend 7 in Susteren. Je mag ook een email sturen met jouw gegevens zoals gevraagd in onderstaand inschrijfstrookje. Stuur je email naar info@weinheimernatuursteen.com. (muziek, aanleveren op een usb stick bij Léon Weinheimer of bij Stan Peters van het geluid).
Let op tijdens deze middag zullen foto’s gemaakt worden en deze zullen mogelijk ook gebruikt worden in de media / daarnaast bestaat de kans, dat derden foto’s en films maken, die in de media gebruikt worden!
Dit jaar houden we wederom de kleurwedstrijd. Via school ontvang je een kleurplaat, gemaakt door de Zösterse kunstenaar Thijs Heijnen van Thijs Art. De kleurplaat neem je mee naar de Kènjerzitting en daar inleveren. Uiteraard zijn er prijsjes voor de mooist gekleurde kleurplaten.
Ozze nuuje prins Cliff I
Zöstere, 6 januari 2024Leef Graasboere en Graasboerinne,
Hie sjtaon ich den, es jong van Houtem in ‘t groate Zöstere.
’t Woor eine maondigaovend in Mei, ich woor jus klaor mit de louprepetie van de sjötterie en zoog op miene telefoon det Menno gebeld haw. Nao mich helop te höbbe aafgevraog waat dae noe weer moosj, toch mer truuk gebeld. Dao hinge Menno en Frank aan de lien vanoet ein of anger chique dènk in Utrech. Ich kreeg de vraog of ich graote prins van Zöstere wool waere. Ich wis neet waat mich euverkoom, eine jong van Houtem, Prins in Zöstere.
Vastelaovend zit ós in de gene, vastelaovend zit ós in ’t blood zónge die men van Hoondervel ein aantal jaore geleje. Deze teks is mich op ’t lief gesjreve.
Ich bèn eine kleinzoon van ‘t 7e prinsepaar van CV de Katers. Opa van mich woor ein mede oprichters van de Awt Prinse en oma haet jaore de sjteke, van de Awt Prinse, zelf gemaak. Zoon van Ineke Ariaans en Thei Smeets, die wie ich gebaore woort op 5 oktoaber 1993, prinsepaar wore van CV de Katers in Houtem. Zoa wie g’r in ’t filmpke höb kènne zeen, sjtóng d’r ein klein prinske in eine luier op mien gebaortekaertje. Detzelfde logo koom ouch truuk wie ich, in 2005, zelf jeugprins moch waere van ’t Katerriek, get wat mein breurke in 2009 haet moge euverdoon.
In 2012 lieërde ich ein aantal men van Zöstere kènne.
Neet väöl later woort de naam De Verkes gebaore, sinds dae tied ein begrip in Zöstere. Naodet Bas sjtópde mit ’t organisere van ’t VVV, höbbe weer es Verkes det mit ein paar man opgepak, get wo weer jaore plezeer aan belaef höbbe. Es bliek van waardering höb ich mit nog 3 man ein ‘graasbuurke’ moge ontvange, oet henj van Vors Frank van Naer. Wie sjoan is ‘t den ouch óm prins te moge zeen euver ’t Graasboerriek, in ’t jaor det De Verkes 1x11 jaor besjtaon!!
Aangezeen ich mieë in Zöstere en op de hei woor es thoes, höb ich in december 2018 besjlaote om nao Zöstere te verhoeze. De ieëste jaore woonde ich bie de MOBU, baove Alice Mode, aan de Reinoud van Geldersjtraot.
Wie in 2020 ‘t hoes op de Majoor Evanslaan te koup koom, koos ich die kans neet laote ligke. Sinds februari aafgeloupe jaor woon ich dao neet mieë allein mer same mit miene partner Colin. ’t Prinselik palies stjuit den ouch dit jaor weer op de Majoor Evanslaan, precies bie Oud Prins Kevin taegeneuver. Nao 1994, 1997, 2006 en 2023 dus weer ein nuuj hoofsjtök in de prinsesjtraot. Vreugs dich toch aaf of Kartoesj det leedje veur de Majoor Evanslaan gesjreve haet.
Door de waek bèn ich wirkzaam bènne Zuyderland Medisch Centrum, meistal in Haerle en aaf en toe in Zitterd. Es specialisatie bènne de Röntgen, wirk ich de ganse daag mit radioactieve sjtoffe en patiënte, op de aafdeiling Nucleaire Geneeskunde.
Óngertösje bèn ich ouch al ein aantal jaor lid van de blauwe voetbalvereniging van ’t dorp, Susterse Boys, wo ich voetbal in ‘t twieëde.
Daonaeve höb ich nog ein groate hobby, det is lid zeen van sjötterie Sint Martinus Holtum. Ich bèn naeve buksmeister en secretaris, sinds oktoaber dit jaor geïnstalleerd es keizer, eine ganse iéer. Ich dènk den ouch det ich nog noait zoaväöl kieëre urges haer bèn gewaes, om ein pak te passe, es aafgeloupe jaor. Ich wis op ein gegaeve moment nog neet mieë veur welk pak w’r welke aovend mooste gaon. Gaon w’r nao Janfré veur ’t keizersuniform of koetsje w’r nao Astrid in Eindhoven veur ’t prinsepak.
De keuze óm veur ein prinsepak oet braobantj te gaon, woor mit eine vrundj oet Veldhoven gaw gemaak. En van ein sjloeting aan de achterkantj woor ich al genaeze veurdet ze mich gevraog hawwe om prins te waere. Nao ein aantal kieëre Awt Prins Kevin ’t aope rögkske te höbbe toegeknuip , haw ich besjlaote om zelf oait veur ein sjloeting aan de veurkantj te gaon. Wie ich ein waek of 6 geleje weer ein appje kreeg mit de vraog óm det pak weer toe te kómme knuipe, höb ich toch mer ‘ns veurzichtig gevraog of Kevin neet lever ein sjloeting aan de veurkantj haw. Tot op heden nog gein commentaar.
Sjoanawwers wiet eweg zeen den ouch ein gooj oetkóms gebleke om medalies en dergelijke te laote aankómme zónger det ’t hawve dörp d’rvanaaf wis. Bietje jaomer det de medalies ieës gans Nederlandj gezeen höbbe ieër ze op ’t GLS-depot wore aangekómme.
Mochte de bure zich aafgevraog höbbe worom det de tent in de tuin al vanaaf juli sjtuit. Laote sjtaon woor minder verdach es aafbraeke en noe weer opboewe. Awt op nuuj viere bie ós thoes woor den ouch de oetgelaeze gelegenheid om keulkes, lempkes en beer in hoes te haole zónger det emes zich get aafvroog.
Veur ich aafsjloet wil ich Graasboering Loes I bedanke veur ’t leuke berichske aafgeloupe waek. Ich weit zeker det weer d’r same mit Jeugprinses Feel nog ein aantal sjieke daag van gaon make.
Nao maonje van zjwiege, smoesjes verzinne en vanalles regele is ’t vanaovend den eindelik zoa wiet.
2024 wurt mien jaor es prins van Zöstere en ederein moog ’t weite.
Keunig, Keizer, Admiraol,
Prins zeen wille w’r toch allemaol!
Zöstere Alaaf!
SJTART KAARTVERKOUP GALAZITTING 2024 MIT GENUMMERDE PLAATSE
Kees zelf dien plaats oet!
Op 9 december: Café bie Alois, van 14:00 tot 17:00 oer. Betale kent contant of mit pin.
En es d’r den noch euver zin: vanaaf 12 december bie Rijwielcentrum Susteren (lèt op: gesjlaote tösje kers en nuujjaor). Betale kent contant of mit pin.
Jeugprinses Feel I 2023
Zóndig 22 jannewarieLeef Graasbuurkes en Graasboerinnekes,
Kènt geer det leedje van Beppie: “ ich höb gedruimp vannach, ich woor ein prinses……….”?
Ich höb det ouch gedruimp.
En det woor neet allein vannach. Ich höb hieël väöl nachte gedruimp, waal 492 nachte om precies te zeen, want ongerhauf jaor geleeje vroge Petro en Herman mich om jeugprinses te waere. Ich koos het neet geluive, eine druim dae oetkoom.
Natuurlijk höb ich drek volmondig jao gezag, want jònges en maedjes, jeugprinses waere is toch get wat ich ech hieël gaer wil.
Mer toen, …………….. ich dènk in oktober 2021, kreeg ich het berich det door corona de vastelaovend neet doorging. Ich vonj het versjrikkelijk. Dao ging miene druim. Gelökkig heij Petro ein oplossing. Es ich het gedöldj koos opbrènge en miene mòndj zoa lang koos hauwte, den mog ich in 2023 jeugprinses van Zöstere zeen. Det wol ich natuurlijk drek.
Gedöldj höb ich gehad en miene mondj höb ich gehauwte, hè Feija, want ja Feija miene bestie kèn ich ech alles vertelle en doe mos toch aan eine dien ei kwiet. Same höbbe weer alles doorgesjpraoke en same zeen weer op paad gegange veur het kleid en de medalies. Det woor sjpannend en sjiek.
Dae mondj zoa lang hauwte woor bès waal lestig. Mien zusjes Noor en Juul, en mien vrindinne höb ich väöl motte veurleege. Sorry veur det, ich maak het deze vastelaovend ram good mit uch! Ouch maak ich het good mit mien handjbalteam, de D1 van Noav, want die zolle mich toch af en toe motte misse de kommende tied.
En den mien zaate hermenieke zònger vrugvleisj. Weer besjtaon dit jaor 2x11 jaor. Wer höbbe sinds veurige waek al ein geweldige Graasboerin. Ich bèn zoa benuujd wie die het venje det ze noe ouch nog ein jeugprinses derbiej höbbe. Same gaon weer dit jubileum jaor extra viere. De ieërste keffee wo wer komme, moog ich van pap ein vaat aan uch gaeve.
Helaas is der ouch get waat neet zoa leuk woor het aafgeloupe jaor. Miene opa Theo kènt dit neet in levende lijve mitmake en wat dach geer van miene opa Jan, eine echte vastelaovend vierder es auwtlid van de raod van ellef. Wat heije die dit sjiek gevonje. Die 2 drènke zich daobaove vas en zeker eine op mich en die zolle de ganse vastelaovend biej mich zeen. Opa’s deze is veur uch:………………..
Zoa wie ich al zag, ich höb lang motte wachte, mer t wachte is t mieeë den waerd, want vanaovend is het den zoa wiet.
Ich bèn zoa greuëtsj det ich hiej sjtaon es uch jeugprinses Feel den ieëste.
Same mit miene geweldige prins Kevin 1, de allerleukste graasboerin Loes 1, zaate hermenie zònger vrugvleisj en veural mit uch graasbuurkes en graasboerinnekes, gaon wer der eine sjieke vastelaovend van make. Ich höb der zonne zin in!
Mien motto dees daag:
“Snap, tiktok en Be Real zeen effe neet belangriek, want
Weer viere vanaaf noe vastelaovend in het Graasboerriek”.
Zöstere, Alaaf
Graasbörgers, Alaaf
Zònger vrugvleisj, Alaaf
NOAV, Alaaf
Graasboerin Loes I 2023
Zaoterdig 14 jannewarieLeef Graasboere en Graasboerinne,
Hie sjtaon ich den, EIN DE LIK!
Es auwt jeugprinses van de Noatevraeters oppe Laak, mér noe es Graasboerin van ut Graasboerriek! Nummer 18 in de riej, mér de iëeste van die oranje.
Wie ich een jaor of 13 geleeje in Zöstere koom woone, leek mich graasboerin waere al sjiek, mér ja, es maedje van boete t durp dach ich dét mich die kans nooit gegaeve zoe waere. Niks bleek minder waor wie Herman mich op eine aovend koom polse. Zonger twiefel zag ich JAO, neet weitende det det nog HIËEL lang ging doere. Ut 1ste jaor det weer de vastelaovend aan os veurbie mooste laote goan woor al versjrikkelik, mér toen kreege weer nog ein jaor, wo geine ganse vastelaovend gevierd koos waere en wo ut klédje nog ein jaor in de kas moos blieve hange. Geböak, geknoterd… en veural nog een jaor zjwiege woor vervaelend. Neet allein veur mich, mer auch veur Roy en veur Mayke en Rianne mien beste vriendinne, die dit geheim saame mit mich de aafgelaupe 3 jaor gedrage höbbe, en auch väöl smoesjes höbbe motte verzinne toes…
Ich bön 37 jaor, gebaore oppe Laak, mér al hiëel get jaore gelökkig in Zöstere, wo ich den aug mien hart höb verlaore en noajt miëer weggaon.
Ich woon same mit auwt prins Roy Mooren en bön ein hiëel trotse mam van Floor en ein haufmam van auwt jeugprins Loe en Wies. Weer woone aan de sjlechte kantj van het ziepke in Mariaveldj.
Mien pap en mam kenne dit jaomer genog neet miëer mitmaake, mér tösje die doezend sjterre baovenaan, zeen dér vas 2 die mit dees daag mitkieke en sjtraole van gelök.
Ich wirk al 16 jaor bie Pergamijn in Zitterd, es clientbegeleider, Hie hauwt ich die men get aan het werk en zörg ich det ze mit gooi zin weer heives gaon.
Hobbies van mich zeen lekker aete en borrele mit vrunj, hiëel väöl winkele op internet, en hie en dao een festival mit pakke. Waat de vastelaovend betröf, sjlaon ich niks euver. Die daag kom ich door mit mien zaate hermeniekes Zónger Vrugvleisj en Rek t neet den sjeurt t waal, en natuurlijk de maedjes van de Sjn.APZ.
Mien saxofoon mot dus effe plaats maake veur de versjét… Mér mit alle plezeer, want waat is ut sjiek dat ich Graasboerin bön mooge waere. Al 3 jaor sjtiekem op ein wölkske…
Waat sjiek det doa PRINS KEVIN teveursjien koom veurige waek! En ich wis geliek zéker; dit kump hiëelemaol good. Weer motte nog ein waekske wachte op ooze jeugprins of prinses, mér ich weit zeker; weer gaon d'r eine vastelaovend van make om noajts miëe te vergaete.
Leef luuj, dit jaor gaeve weer 'm van ketoen, want weer höbbe allemaol get in te haole, ich höb dér in elk geval hëel väöl zin in om det saame mit uch te gaon doon!
Alaaf, det nump ós nemes (noajts miëer, mér den auch ech noajts miëer) aaf!
Graasboere Alaaf!
Zónger Vrugvleisj Alaaf!
Rek ´t neet den Sjeurt t Waal; Alaaf!
Sjn.APZ Alaaf!
GRAASBOERIN LOES I
Prins Kevin I 2023
Zaoterdig 7 jannewarieLeef vastelaovend vierend volk oet Zöstere en omsjtreke,
Dit is ut moment wo ich hieël lang nao höb oetgekeke.
Wat woor ut un ieër det de vors mich 1,5 jaor geleeje belde.
Mer wat woor ut sjpannend wie corona zich veurig jaor opnuuj meldde.
Geine prins, graasboerin, jeugdprins of -prinses in 2022.
Ut geheim bleef nog un jaor langer bie mich.
Mer mit ut pak in de kas woor ut unne vètte vastelaovend,
Sjtiekem oetkiekend nao ut jaor d'rop, zoa väölbelaovend.
En noe sjtaon ich hiej, klaor om mit uch te fieëste,
Want nao 3 jaor haef Zöstere weer unne prins, Kevin (d'n ieëste).
Oppe schoutlaan woor ich auch de ieëste van twieë,
Want pap alias d'n Martin vd Hofman van de Hei en mam, Petra van Munsters-Janssen van Sjipperskirk ginge same in zieë.
Opgegreujd mit Zösterke Kelly in Middelveldj 1.
Dich biej alle opa's en oma's, same bie-ein,
Vastelaovend is van kleins af aan aangelieërd.
Want mit mich in de buggy woort achter de sjötte van de hei gemarcheert,
Later mit de fluit in de hènj zörge veur muzikale klanke.
Of mit sjtekke hauwe op de marimba, det dingk mit die hauwte planke ,
Veur de biebehörende carnavalsaovende oppe Hei sjting ich in de riej.
Mit pap es presentator, live meziek van Braaf Lestig, acts, buutte en un groate en kènjerparodie.
Later sjloot ich mich aan bie de menkes en wiefkes van Òntsjpoard,
En veur ut ieës woort aan unne wage geverfd en gebaord.
Mit ongerhauf lènkerhènj sjting ich echter lever toe te kieke,
De technische luuj vonje ut prima det ich ut de take deeg ontwieke.
Hoagtepunte woore de zittingen, optochte laupe en same op sjtap gaon,
Zulle wer aafsjpraeke det wer det dit jaor zeker neet euver sjlaon?
Ongertösje tömmerde ich in Tilburg aan un carrière,
Iets mit media en marketing deeg ich väöl te gaere.
Ut sjrieve van unne blog veur Chapeau Magazien of es showbizzmenke bie TV Limburg,
Op det moment verdwene bie mien auwers de zurg.
Mit mien eige Buro Kontent höb ich lètste jaore bedrieve geholpe mit marketing,
Ut enige wat ich deeg woor zègge: Loester nao de klantj, dae is keuning.
Inmiddels bekans fulltime aan de sjlaag biej de gezèt,
Es enige oppe redaksie zonger journalistieke pet.
Want kieke nao data, innoveren van producten en ut bedenken van campagnes geuf mich energie,
En ut bènnehaole van elke digitale abonnee maakt mich bliej.
Genog euver werrik, euver op mien hobby's,
En zèt uch mer good vas, want det is un gooj wasjlies.
Tennisse bie TV Rosus is get wat mich in de zomer bezighilt,
Tis daorom mer good det vastelaovend in de wèntjer vilt.
Fitserenne doon ich aaf en toe,
Mer oere kieke nao groate runj zeen gein taboe.
En es organizator van Tour d’n Hook,
Heuër ich tiedes de quiz en priesoetreiking altied väöl gevlook.
Prizzentere van ut Beerkiene bie Alois is auch un tradisie,
Same mit Marco, Freek, Stan en un bietje van Toine dit jaor op nao de 14de edisie.
En whaem herinnert zich nog 'Dit is de allerallerallerallerletste?' of 'Dao kenne weer ech niks aan doon',
Enkele carnavalskrakers van Zugabe in de tied van Toon.
Same mit Robin en Remy zeen weer de grondjleggers van de V van vastelaovend,
ut onzichtbare touwsjprènge en ongepast gedraag bie De Wereld Draait Door.
Ut woor namelijk hieël raar wie Matthijs zien ongerboks verloor,
Mer w'r höbbe os op de bühne en achter de sjerme altied good geammezeerd,
En wore mit besjermvrouw Elles en tekstsjrievers Jan en Elina ummer zeer verieërd.
De kleuëre zeen noe road-gael-greun en un bietje wit,
Want der is ein club wo ich al 27 jaor biej zit.
Wo zeen de luuj van Sjportclub Zöstere?
De voetbalclub is de greun-witte draod in mien laeve,
Dao doon ich es voetballer, vriejwilliger en veurzitter alles veur gaeve.
Nao un periode in ut ieëste noe lekker mit Vrunj bie Zöstere 4,
Mer pas nao de wedstrijd gaon w'r onger leiding van Erik Derhaag te kieër.
Mit 6 punte de wèntjersjtop in, is echter neet good te kalle,
Ein troas, ich blief auch in prinsekleijer geweun voetballe.
Trots bön ich auch op alle vriejwilligers, sjponsore en besjtuursluuj,
Die zörge det d’r 24/7 gevoetbald kènt waere, elke kieër opnuuj.
Tied om aaf te runje en ut bieës oet te gaon hange,
Want net als ich zult geer nao un lekker glaeske beer verlange.
Lach, laef en höb leef,
Sjport, gaef en zjweef,
Dènk nao, ambieer en ammezeer.
Zèng, drènk en höb plezeer,
Omerm, verbènj en vriejwillig,
Den wurd dit de sjiekste vastelaovend veur dich en mich.
Gegaeve, 7 jannewarie 2023
Zöstere
Knalbóntjezitting 2023
Zaoterdig 14 jannewarie 2023Wae wurt de nuuj Graasboerin?
Programma o.a:
- Danny Pouwels
- Ziesjoem
- Andy & Roy
- DJ Admin
- Auwt Graasboerinne
- Kerdju
Galazitting 2023
Zaoterdig 7 jannewarie 2023Wae wurt de nuuje Prins?
Programma o.a:
- John Tana
- Marleen Rutten
- Guido Frissen (Schintaler)
- Kerdju
- Parodie Auwt Prinse
Buuttematinee: Bäöke van 't lache
Zóndig 27 november 2022
Sjlagerverkeezing
Zaoterdig 19 november 2022Waem wunt de felbegeerde titel van Vastelaovessjlager 2023 Zöstere? Kom allemaol kieke en veural loestere. De entree is gratis!
Höbse de aafgeloupe twieë jaor get min tied gehad om eine sjlager te make/sjrieve, begin den noe alvàs, en doot de volgende kieër auch mit! Vraoge? Sjik eine mail nao info@graasboerriek.nl.
IN MEMORIAM: OUD-VORST EN ERELID JACQUES KITZEN
13-10-2022Deze week ontvingen wij het bericht dat afgelopen weekend onze oud-vorst en erelid van de K.V. De Graasbörgers op 73-jarige leedtijd is overleden.
In 1993 is Jacques lid geworden van onze vereniging en heeft zich op velerlei vlak en met veel enthousiasme ingezet voor carnaval in het Graasboerriek. Zeven jaar later is Jacques voorgedragen als vorst van de Graasbörgers en heeft deze functie 11 jaar - tot 2011 - met verve vervuld. Elf prinsen, zeven graasboerinnen en elf jeugdprinsen kwamen van zijn handen. Begaan was hij met zijn hoogheden, die – zoals hij zelf altijd zei – stuk voor stuk zijn kinderen konden zijn. Hij zorgde dat alles om het ‘Prinse- en Graasboerinneschap’ tot in de puntjes was geregeld voor de hoogheden. Alles volgens een vaste structuur waarvan de vereniging vandaag de dag nog gebruik van maakt.
In zijn hoedanigheid als vorst is Jacques ook verantwoordelijk geweest voor de verjonging binnen K.V. De Graasbörgers. Nieuwe leden werden in zijn periode geworven. In 2010 stopte Jacques als vorst en twee jaar later als lid van onze vereniging. Echter, zijn liefde voor de Zösterse vastelaovend was er niet minder om. Jaarlijks bracht hij trouw met zijn echtgenote Willemien een bezoek aan onze Galazitting.
Een begenadigd lid van K.V. De Graasbörgers en met groot hart voor de Zösterse Vastelaovend is niet meer.
We wensen zijn echtgenote Willemien, kinderen Mark en Alexander en de overige familie veel sterkt toe.
Jacques, adieu.
31-07-2022
LIMBURGS ZOMERCARNAVAL in Lanaken (B)
- Beppie Kraft
- Shakin DJ’s
- Erwin vaan 't Merretkoer
- Spik en Span
- Frans Theunisz
- DJ Admin
- John Tana
- Jerome Gilissen
- Nicolas Funzig
- Duo Bessem
- En nog veel meer!
CLASSIC CARNAVAL MAINSTAGE (De beste carnavalskrakers)
Op de classic carnaval mainstage kan je als vanouds hossen en gas geven, samen met de populairste carnavalsartiesten! Van Beppie kraft tot Shakin DJ’s en van Erwin tot Spik en Span. Limburgse gezelligheid van de bovenste plank!
ZOMERCARNAVAL STAGE (Guilty pleasures, hitjes, Latin carnival)
Op onze zomercarnaval stage stijgen de temperaturen tot ongekende hoogte. De heetste hitjes in combinatie met de lekkerste meezingers, een en al heerlijkheid!
SILENT DISCO POLONAISE (Voor ieder wat wils, voor ieder wat pils)
Ongestoord carnavallen doe je bij onze silent disco area. Hier gaan we van links naar rechts en van groen naar blauw. Voor iedere carnavalsziel wat wils. Geen enkel moment vervelen dus!
KIDS AREA
Carnaval is voor iedereen, dus ook voor de allerkleinste! Hier kunnen de kids zich de hele dag vermaken in het iets kleinere springkasteel!
INFO
Datum: zondag 31 juli 2022
Locatie: Kasteel Pietersheim, Lanaken België! (Op 5 minuten rijden van Maastricht)
Leeftijd: Alle leeftijden
14-02-2021 Vasteloavesmès
Vastelaovend en de kirk zeen onlosmakelik aan ein verbonje. Vastelaovend en kirk heuëre bie-ein, zjuus water in mooder Maas. Aan ut begin van de daag veur de vastentied -de vastenaovend- , komme weer tradisie-getrouw same in de kirk. Om same te baeje veur ein paar sjoan daag en det weer òs good moge en kénne ammezere mit de vastelaovesdaag. Auch dit jaor!
Immers, de 3 daag van de vastelaovend gaon geweuën door! Dit jaor waal anges den anges.
Dus auch dit jaor gein 10 versjillende vastelaovesmèsse, mér helaas mér EINE. Mér waal EINE hieële biezunjere: op inisitief van geluifsgemeinsjappe van Ech en Zöstere in samenwirking mit alle vastelaoves verenigingen oet Het Smalste Stukje Nederland.
De mès zal waere gehauwte vanoet de Basiliek in Zöstere op zondig 14 fibbewarie om 12:11 oer. Auch zal de mès live op tillevisie waere oetgezonje via de lokale omroop SOL2.
Dit geit via de volgende kanale oppe tillevisie: ZIGGO: kanaal 39 en 48 Limburg, T-Mobile: kanaal 730, KPN en XS4All: kanaal 1484.
In kirk zeen allein 3 aafgevaardige van jeder vastelaovesvereniginge te gast. Door de COVID maatregele kénne helaas neet mieë luuj aanwezig zeen.
24-01-2021 Live concert Spik & Span en René Denis
03-01-2021 Vastelaoves Kleuërplaat wedsjtried
Duis doe auch mit aan de knotsgekke vastelaoveskleuërplaatwedsjtried van KV de Graasbörgers? Kleuër en verseer dien kleuërplaat zo sjoan meugelik en maak kans op eine leuke pries!
Inlevere van de kleuërplaat kan vanaaf noe tot en mit 5 fibberwarie biej Veur Eederein.
Op zóndig 7 fibberwarie 2021 om 13:11 oer (ónger veurbehoud) make weer tiedes GraasboerTV de wènnaars bekènd. Per laeftiedskategorie 0-5 jaor, 6-8 jaor en 9-12 jaor zeen d'r leuke prieze te wènne, gesjponsord door Veur Eederein. Dees oetzending van GraasboerTV sjtuit gehieël in ‘t teike van de jeug. Laot uch aangenaam verrasje. Kiektip.
Höb geer nog vraoge? Sjtuur den ein e-mail nao: info@graasboerriek.nl.
Groate dank aan Thijs Heijnen van Thijs Artveur ’t ontwerpe van dees kleuërplaat en aan Veur Eederein veur ’t besjikbaar sjtèlle van de leuke prieze.
11-11-2020 Carnaval in het Smalste Stukje Nederland
Het zijn vreemde tijden die wij met z’n allen beleven. Het coronavirus heeft niet alleen ons allen in zijn greep, zelfs het carnavalsvirus is hier niet tegen opgewassen. Hadden wij eerst nog hoop dat onze traditie de antistof zou zijn tegen het virus, echter dit gaat niet te gebeuren. We zullen een pas op de plaats moeten maken om het virus te stoppen. Dit noopt ons tot beslissingen die wij, de gezamenlijke carnavalsverenigingen uit de gemeente Echt-Susteren, op aswoensdag afgelopen februari niet hadden verwacht dit jaar te moeten maken.
In het zicht van het nieuwe carnavalsseizoen hebben alle carnavalsverenigingen van Echt-Susteren in gezamenlijkheid besloten geen grootse carnavalsactiviteiten te organiseren. Er zullen geen traditionele zittingen worden gehouden en er zullen geen prinsen, prinsessen, Graasboerin, jeugdprinsen- en prinsessen worden uitgeroepen. Ook geen optochten, geen openlucht bijeenkomsten. Inmiddels hebben ook de veiligheidsregio’s van Noord- en Zuid- Limburg besloten dat in de gehele provincie dergelijke activiteiten tijdens het aankomende carnavalsseizoen niet aan de orde zullen zijn.
Zal de carnaval dan met een stille trom aan ons alle voorbij gaan? Nee! Want: ‘Kunnen de mensen geen carnaval sámen met ons vieren, dan brengen wij carnaval bij de mensen thuis’. Onder het motto van ‘Verbinding maken en houden met onze vastelaoves-traditie’ zijn verenigingen druk bezig met het uitwerken van ideeën om toch straks stil te staan bij carnaval. Klein, lokaal en alles binnen de geldende regels en maatregelen.
Ondanks dat het een hele andere beleving gaat worden, zijn de verenigingen uit de gemeente Echt-Susteren, ervan overtuigd dat onze carnavalstraditie uiteindelijke dé verbindende factor is in de tijd van thuis blijven, social distance en wat nog meer. Nu kleinschalig van thuis uit tegen corona, is straks weer grootst samen carnaval beleven.
Blijf gezond en voor straks alvast, namens alle carnavalsverenigingen uit Echt-Susteren, ondanks alles, een bijzondere en fijne carnaval toegewenst.
De carnavalsverenigingen in de gemeente Echt-Susteren,
CV De Aester
CV De Aester Sjaelen Uul
CV De Bôkkeriejers
CV De Borchgrave
CV De Foetelaers
CV De Lollige Buk
CV De Papegaai
CV De Peerlinke
KV De Graasbörgers
KV ‘t Winterköningske
28-02-2020 OETSJLAAG VASTELAOVESOPTOCH 2020 IN ’T GRAASBOERRIEK
26-01-2020 Jeugprins Jort I
Jeugprins Jort I (Lumens)
Allerleefste Graabuurkes en Graasboerinnekes,
Hie sjtaon ig den, jeugdprins Jort de iëeste.
Klaor om mit ug deze vastelaovend te gaon fiëeste.
Vastelaovend vier ig al mien ganse laeve.
Det is mig mit de paplaepel ingegaeve.
Miene pap ging al in het Graasboerriek veurrop.
In 2007 woor hae namelik Prins Rob.
Opa en oma woore prinse paar in Bor in 2009.
Dao höb ig het vastelaoves virus aug van mit gekregen.
Wat bön ig greustj om hier te mooge sjtaon.
En ug bie de vastelaovend veur te mooge gaon.
Ig woor compleet verrast mit de vraog om prins te mooge waere.
En nao hiëel lang zjwiege, staon ig hie noe mit mien vaere.
De Graasbörgers, en veural Petro en Leon bedankt om mig es prins te vraoge.
En natuurlijk pap, mam en Julie det geer af en toe veur mig höb geloage.
Samen mit Prins Mike I, Graasboerin Desire I en mien zaate hermenie Zaateweg.
Kom ig op alle sjieke plaetskes van het Graasboerriek terrech.
Mit ug aan mien zie, gaon weer der get sjieks van maake.
Veur de groate, mer veural aug veur alle kleine sjnaake.
Op bassis sjoal in het park zeen ze zeker aug hiëel erg blie.
In groep 8 höb geer noe eine echte prins derbie.
Noe effe minder tied aan tennis of aan voetbal gaeve.
Mer same mit ug eine te gekke vastelaovend gaon belaeve.
Mien motto veur dees daag:
Effe gein tennis of voetballen.
Mer mit z’n alle de vastelaovend inknalle.
Zöstere Alaaf!
Graasbuurkes en Graasboerinnekes Alaaf!
Zaate hermenie Zaateweg Alaaf!
Gegaeve,
Jeugprins Jort I
18-01-2020 Graasboerin Désirée I
Allerleefste Graasboere en Graasboerinne,
Eindelijk, eindelijk, hie sjtaon ich dan! Ontzettend greuëtsj dat dees ieër mich ten deil vilt, 17e Graasboerin in ‘t Graasboerriek en verieërt dat ich Mandy en al die anger maedjes in dit riejke moog opvolge! Noait gedach dat ‘t mich zoe euverkomme. Dit is eine druim dae hie noe oetkump: ich bèn Graasboerin 2020!
Nao ‘t ieëste tillefoontje van Hans veurig jaor op Curaçao en de offisjele vraog van Herman en Hans een paar waeke later, volgde eine sjpannende en drökke tied. Ich höb aafgetèld... 219 daag tot aan vandaag om precies te zeen. Ich woor door t dölle haer en höb de vastelaovesaafsjpeellies al ein hauf jaor op repeat sjtaon.
Wat woor ‘t veurige waek sjpannend. Mèr wie dao inèns Prins Mike I sjtóng, wòs ich ’t zeker: laot òs mèr sjuve, want hie geit ‘t krake. Same mòtte weer noch efkes oetkieke nao ósse Jeugprins of -prinses. Ich bèn benuujd en kèn neet mieër wachte om mit zien drieë aan dit geweldige sezoen te beginne. Noe sjtaon ich hie noch same mit Jeugprinses Frederique en ich vènj ‘t sjtiekem auch waal heel erg sjiek om same ein waek te kènne belaeve.
‘t Is alweer bekans 48 jaor geleeje dat ich gebaore bèn es auwtste dochter van Lei en Lia en same mit Yvonne bèn ich op de Molenlaan opgegreuïjt. Nao de Majoor Evanssjoal bèn ich in Zitterd nao ‘t Serviam en de HEAO gegange. Veur mien studie höb ich in Engelandj gewoond. Daonao bèn ich in Amsterdam gaon sjtudere en kaom ich in Almere terèch, wo ich mien ieëste vaste baan höb gevonje. Oeteindelik weer nao ’t Zuuje bie pap en mam trök gekòmme en nao get tösjesjtops oppe Nuujsjtadt en de Hei woon ich noe alweer jaore in Auwt Zöstere, onger de rauk van de Basiliek. Ich woon in de allersjoanste sjtraot van ’t dörp, de Salvatorstjraot, dao wo weer dit jaor auch de Prins in de sjtraot höbbe.
Al mieër dan 10 jaor wirk ich veur ein prachtig internationaal familiebedrief mit de wortels in mien Limburgs landj. Ieërs bie Hago en sinds ein hauf jaor bie de moder zelf: Vebego. Es assistent van de Raod van Besjtuur moog ich d’r same mit mien team veur zörge, dat op en rondjom Kesjtieël Cortenbach in Voerendaal alles op rölkes löp. Jao hieëre van de Raod... ich bèn dus waal gèt gewent!
In miene vrieje tied gaon ich regelmaotig nao de sjportsjoal en kroep ich sinds veurig jaor bie good waer op de renfits. Meziek is belangriek veur mich. Ich höb meziekles en gaon gaer nao concerte. Vreuger woor ich jaore bie De Stiftzangers mèr noe beperk ich ‘t zènge veural tot de momente wo op neemes mich heuërt. Ich reis gaer en bèn dan vaak onger water te vènje. Bie de Heiligdomsvaart bèn ich actief achter de sjèrme en oppe bühn sjtaon ich tösje ‘t volk. Sinds ein paar jaor bèn ich jurylid bie de Zösterse sjlagerverkeezing. En ich geneet volop van alle dènger die ich ongernum same mit mien clubke vrunj tot de allerleste runj. Zeker rondj de Vastelaovend hub ich väöl sjpass mit Trio Noait Genoch. Goud zeen die momente veur mich.
Gaer wil ich jederein bedanke dae op wat veur meneer dan auch d'r veur haet gezörg dat ich vandaag hie zoa sjtaon; kleid, klompe, kapsel, en mieër… ‘t zeen te veul luuj om allemaol op te neume, mer bedank! Hans en Herman, ich höb ‘t uch de letste maonje al dèkker gezag: Bedank dat geer aan mich gedach höb en dat ich Graasboerin 2020 moog zeen. Kitty, bedank veur alle raod daes doe mich same mit de manne aan de keuketaofel höbs gegaeve. Bedank veur al die super sjaon daag die ich noe al höb moge belaeve. Ich höb vanaf ‘t ieëste moment genaote en weit zeker dat ich dat ‘t kommende jaor blief doon. Bedank José en Paul: wat bèn ich bliej mit uch hulp, advieze en loesterend oewar; ‘t plezeer mit uch in de aafgelaupe moanje woor al geweldig!
Bedank auch pap en mam, geer höb mich de vastelaovend mit de paplaepel ingegaote. Vreuger ginge weer mit de optoch mit same mit Buurt ’t Heuls en weer zònge vastelaovesleedjes onger de aafwesj, auch es ‘t geine vastelaovestied woor. Sjoan herinneringe höb ich aan al die Vastelaovende same. Laote weer dat dit jaor noch èns euverdoon!
Dan is het noe tied om same mit uch de glazer te laote klinke op de vastelaovend, op ‘t laeve, op os en op jederein dae noe neet hiebie kènt zeen.
Mit eine lach op ‘t gezich höffe weer de glazer in de loch
Same Vastelaovend viere, daovan krieg ich noait genoch
Vastelaovend Alaaf
Zöstere Alaaf
Graasboerriek Alaaf
Graasboerinne Alaaf
11-01-2020 Prins Mike I
Leef vastelaovesvierders,
En alle anger Zösterse lüj.
Wie geer zeet, sjtaon ich hie, gesjtief, gesjtreke en gans in ’t nüj.
Mit ein paar prachtige vaere op miene hood,
en ich kèn uch zègke: 't bevilt mich noe al verègkdes good.
Ich woor neet mieër te hauwte wie ’t tot mich doordrong det ich Prins in ’t Graasboerriek zoe waere.
Dit wurdt ein belaevenis wo ich nog jaorelangk op kan taere.
Mien veurgengers höbbe mich dèt dèkker es èns vertèld.
Mer auch mien eige Graasboerin Elles zaet, dèt die ieër mit niks te vergelieke vilt.
Det weer dit allebei moge mitmake is bekans neet te geluive.
Ich kèn uch verzekere: det wurt weer “Graasboerechtig“ fuive.
De meiste lüj zulle mich waal kènne en weite wo ich bön groatgebrach.
Want in Auwt Zöstere oppe Molenlaan, höb ich mien kènjerjaore doorgebrach.
Mit Pap, mèlkboer Marcel, broor Ralf, en Mam Marlies van Wackers oet ’t zuivelhoes.
Veulde ich mich in Auwt Zöstere ummer thoes.
Ich bön dus groatgetroch “in de zuivel“ zoa gezach,
Mer de accente höbbe zich in de loup der jaore ein bietje verlag.
Vreuger ging ’t om vitamine en gezòndj,
Noe vlege get mieë de promiele in 't róndj.
Auch mit Elles en de jonges höb ich veur Auwt Zöstere gekaoze.
Dao kènne weer nao hartelust träöte en blaoze.
Zoawaal op mien sjuuf es auch in de cloud gaef ich duchtig gaas.
Want in De Luije Hook bön ich miene eige baas.
Es president van Zaateweg, mien hermenieke
Sjpeel ich meistal veur mien geveul ein verantwoord partieke.
Gaer wil ich uch bie deze mèlje,
Det Zaateweg zich dit sezoen alweer 2x11 jaor lieët gèlje.
En mit in juni weer ein aenjerace-competite
Wurdt oug dit, vàs en zeker, weer ein 'sjpetterende' editie.
Verkleije doon ich mich al zoa lang es ich weit,
En den de bün op, zoawie det den geit.
Maak neet oet: es Freddie Mercurie of dae van de Heiligdomsvaart, Lotharius.
Mer noe is ’t dèn: es Opperste, Kwiebus, Kwastelarius.
Ongerhandj zeet geer waal ’t ein en anger gewènd van mich
Want es baezemwagesjefeur-bie-de-motorclub höb ich weer ein gans anger gezich
“Breid-in-zèt-baar” bön ich bie ’t 3de elleftal.
Sjtaon ich d’rin, den doon ich auch get mit de bal.
Gelökkig kèn ich Raf en Casper bewónjere
Zoawaal aan de Bèlsje kantj,
es op de voetbalveljer in ós eige landj.
Ich mót waal daodoor väöl mit de auto sjeeze
Mer zoa sjpaar ich tenminste mien geveulige achillespeze.
Tot sjlot wil ich uch op ein breefke gaeve,
Weer gaon eine onvergaetelijke tied belaeve,
Mit of zònger mómmegezich gaon weer same handj in handj,
’t zal davere in ’t sjmaalste sjtökske van ‘t landj.
Graasboere en Graasboerinne,
Gaef ‘m van ketoen,
Zaateweg, mer mit fetsoen.
Alaaf
